Kultura interrompo

Kultura interrompo aŭ haltigo, estas termino, kiu priskribas aktivistan agadon, kiu celas interrompi okcidentajn, tutmondajn kaj kompaniajn kulturajn produktadajn mekanismojn. Ĉi tiu agado kutime plenumiĝas per la ekspluatado, oni povus diri misuzo, de kulturaj produktadaj mekanismoj, ĉefe de la diversaj amaskomunikiloj. Ekzemple per reklamado, kiuj prezentas tabakajn kompaniojn en negativa maniero. La celo de kulturaj interrompoj estas elmontri la realon de la mekanismoj de produktado, kaj krei kontraŭon inter la bildo de kompanioj kaj realo tia, kia ĝi vere estas. Kulturaj interrompantoj kontraŭas la hegemonian popularan kulturon, kiun ili asertas devigas la individuon submetiĝi al la ordonoj de la socio kaj tiel rabas lin de lia libereco kaj lia kapablo esprimi sian memon.

Kultura interrompo estas aktivisma agado kadre de kontraŭmondaj movadoj, kaj kadre de la postmoderna kritiko de konsumanta kulturo. Unu el la fondaj libroj de la fenomeno estis "Culture Jam" verkita de Kalle Lasn.

Kultura interrompo baziĝas sur la ideo, ke reklamado estas nenio alia ol propagando de establitaj koncernantoj, dum ne ekzistas kanaloj por alternativa esprimo en industriaj landoj. Subtenantoj de kultura interrompa metodo vidas rezistajn agadojn kontraŭ la hegemonio de la popola kulturo, surbaze de " komunikada gerilo".